أحمد حاتم عن سبب طلاقه زوجته: كنت ظالم معاها

كشف الفنان أحمد حاتم، تفاصيل جديدة عن انفصاله من زوجته ووالدته ابنه خلال لقائه مع الإعلامي أنس بوخش.

وقال أحمد حاتم: تزوجت لمدة 3 سنوات، واتعلمت بعد طلاقي أن الإنسان ممكن يبقى أحسن وممكن يتغير وممكن يبقى أوحش.

وأوضح: وساعات بيبقى مش قرار ولكن أنا كنت في نسخة مش حلوة مني وكنت شخص ممكن أكون ظالم حتى لو ده مش باين بس ده حقيقة الأمر.

وأضاف: الطرف اللي معايا مكنش مبسوط ودي مش عادتي، بس تجربة الجواز خلتني أقف وقفة كبيرة وتوصلت أني أقدر أعمل اللي أنا حابه ومقتنع بيه، مقدرش أسيب نفسي.

وأكد: أنا اتعلمت ده بطريقة صعبة واتعلمت ده في حد ومش عايز أجربه تاني، لأني كنت في فترة صراع وأسأل نفسي دائما أنا بظلم حد ولا لأ؟